Erstellt am 08.11.2005 - 11:13

Basler Christbaumschmuck
Vogel Gryff und Wilde Maa als Baumschmuck


Die FCB-Kugel

Der Wild Maa

Vogel Gryff


Markus Jeanneret inmitten seiner Baumschmuckkreationen. Er selber nennt sich einen «Kugelfreak».


Winterwunderland Basler Art by Markus Jeanneret.


Viel Freude haben vor allem Heimweh-Basler am Christbaum-Kantonswappen.

Die Zeiten von Kugeln und Sternen am Christbaum sind vorbei. Neu kann man das Bäumchen mit dem Vogel Gryff, dem Wilde Maa oder dem Santi-Dambuur schmücken.

«Heimweh-Basler wie auch Ansässige spinnen völlig auf die Figuren», freut sich Markus Jeanneret (40). Nach vier Jahren Santiglausfiguren-Verkauf in seinem Chlausehüüsli in Arlesheim wollte er im letzten Jahr exklusiver werden.

«Ich begann eine Serie Weihnachtskugeln mit Fasnachtsmotiven wie zum Beispiel dem Santi-Drummler oder dem Santi-Dambuur zu lancieren», erzählt der selbst ernannte Santa Claus. Die Figuren verkauft er für 38 bis 45 Franken, den Baumspitz gibts für 78 Franken.

Jeannerets Ziel ist es, die Sammlung jedes Jahr zu ergänzen. Darum bietet er neu das ganze «Drei-E-Spiel» und gleichzeitig auch noch alle Schweizer Kantonswappen an. Und in Gedanken plant er auch schon für das kommende Jahr. «Mit der Produktion möchte ich die Sammelleidenschaft der Leute wecken», erklärt Jeanneret, selbst leidenschaftlicher Sammler.

quelle 20min.ch

Erstellt am 27.11.2005 - 09:26

Samichlaus du guete Maa

Samichlaus du guete Maa,
ändlich bisch du weder da!

Chunsch cho luege, was ich mache,
wie-n-ich spiele, singe, lache.

Tuesch mi lehre Fröid z'verschänke,
und au chli a die andere z' dänke-

nur so bin ich sälber froh-
und d' Wiehnachtsfröid cha zue mer choh!

per mail bekommen

Erstellt am 27.11.2005 - 18:28

"Nikolaus, ich bi an Hippie,
gib mer Heroin, sust kipp i.
Gib miar Hasch,
wenn de kasch.
Schick miar au no chli Coci,
anstatt immer nur dia huara Schoggi!"

Erstellt am 29.11.2005 - 09:09

I bi en chline Stumpe

I bi en chline Stumpe,
tue gärn chli umegumpe,
e Lumpeornig mache
mit mine viele Sache.
Tue mängsmol gar nid lose,
ha Fläcke a de Hose,
tue vielmol umestoh
statt weidli hei-zue goh.
Doch darfsch du s Mueti froge,
i tue keis Tierli ploge.
Drum Chlaus bis so en Guete,
verschon mi vor de Ruete!
Bring doch nur gueti Sache,
wie tätsch du Freud mir mache!
Und gäll, säb weisch sit färn,
i ha mis Mueti gärn!

Erstellt am 30.11.2005 - 18:18

D`Stube isch no hell

D`Stube isch no hell.
Samichlaus, chomm schnell!
Au zo meer, i bitt;
d`Ruete nimm nöd mit!

Blyb nöd duss im Gang!
Lueg nu, wien i plang,
bis d mer öppis gisch,
wil d en Guete bisch.

Pagg jetz weidli us!
Mach di breit im Huus!
Nochher will i gly
ganz en Brave sy

Buchtipp: Chum ine

Erstellt am 10.01.2006 - 15:16

für madleine*s*



A propos BVB – vorusgsetzt ass sy fahre:
jetz bruuchts zur Not dr hinterletschti Gläbberkaare!
Drum wenn sy Billje kontrolliere an dr Düüre,
nimmsch allerhöggschtens dy Museumspass no füüre!

Do muesch di frooge: sinn das alles stark Verglemmti,
lycht Verdruggti oder aifach numme Ghemmti?
Mir hänn letscht Wuchenänd dr Schmid gfroggt, was är maini
zu unsrem Schyteam: … also Raser syges kaini!

Mir hänn ys biometrisch voll lo registriere,
lo Bluet und Fingerabdrügg digitalisiere.
Dr Zöllner luegt in Pass - so Date gänn Vertraue -
und merggt mit gschueltem Bligg: Aha - das synn drei Fraue!

Do letschti froggt so ain, wo sammlet, was mer fände
zum vyyle Sammle hüt und öb au miir no spände
für sy Winterhilfprojäggt "Ein Herz für Kinder"
für neui Wasserwärfer, Seil und Kabelbinder!

Jetz griegt d Regierig, Sii, do könne mir denn froh sy
e Breesidänt, wo nit regiert, wo nur muess do sy.
Ain, wo nüt anders mache ka als Reede schwinge,
do ka jo d DSP dr Tschudi wider bringe!

Am Bahnhof hätte uff dr scheene Passerelle
zwei Passante dringend Wasser löse selle.
Doch wer sucht, der findet höggschtens e baar Lääde -
Kunschtstügg hänn die praktisch däglig Wasserschäde!

Jungi Bischöff - um die siebzig - hänn beschlosse,
me sotti d Päpscht nit z lang am Sässel glääbe losse.
Als Gränze wänn sy 75 Johr empfähle -
derby darf z Rom jo ain ab denn sich erscht lo wähle!

Dr Morin dät schyynts in der Kirche non em Zmörgele
und non em Vollkornmiesli zäh Minute örgele.
Eso trainiert dä Ma dr Umgang – dasch z begryffe -
mit warmer Luft us vyyle grooss und glaine Pfyffe!

Das Gschyss ums Gäld vo däne vyyle Goldresärve
das goht ys langsam aber sicher sehr uff d Närve.
E goldig Ei, Frau Herzog, dien Sy überleege,
mien au Sii bevor Sy s koche zerscht no leege!

An sym Preesi-Fescht mit Gescht und Ehreweibel
gryfft dr Bush mit Cowboy-Bligg an d Holy Bible.
Ganz perpläx froggt näbedra sy holdi Schääse:
Jä Schorsch, de willsch doch jetz nit blötzlig lehre lääse!

Vers in eintöniger Weise nur gesprochen – ohne Gitarre!

Me darf hüt nur no mit Kamille in der Knille
wäg de Promille ganz im Stille d Lampe fille.
Falls Sii die Läsig do nit luschtig finde sotte,
sit gescht sinn rauche, schwimme, singe au verbotte!


Stohsch wie d Frau Fetz und miir im öffentlige Lääbe,
blybbt en Affaire mit so Spändegälder glääbe.
Dr Unterschiid zu ihre - dä isch lyycht z erklääre:
Mir bruuche kaini Spände – höggschtens en Affaire!

Vor dr Wiehnacht schöpft dr Nochber us em Volle:
Är kauft für d Lüüchtgirlande zerscht e Kabelrolle
und denn im Aldi z Lörrach – ihm ischt nicht ums Scherzen –
am ene Schnierli 25'000 Kerzen!
Denn vom Lidl mit Rabatt e Plastiktännli,
das macht uf Knopfdrugg mit zwei Escht grad au no s Männli.
Uf e Fänschtersims ins glaine griene Väsli
kunnt – me waiss jo nie – e goldigs Oschterhäsli!
Und wenns denn dussen im Advänt so komisch tschätteret,
will son e Plastik-Klaus grad d Huuswand uffeglätteret,
goot är ins Näscht, dört gäbs Brodäscht – zwor nur e fyyne:
jetz styyg dä Gummi-Santiglaus zum Fänschter yyne!
Au gsächsch im Wohnhus näbedra dr Max – dä schänggi
dr Frau grad Lüüchtstoffmandaryynli und die hänggi
das Züg im Garte sofort uff - jä nai - do lob er
doch sy Frau - die miech das pünggtlig im Oktober!

Zahnstocher 2005

Erstellt am 20.01.2006 - 21:12

I hätt no viu blöder ta

Mängisch da hocki eifach da
Stiere stundelang d'Dilli a
Luege i nes Glas wo so läär isch wie'n i
Dänke zrugg a Zyte wo's nümme git
U de dänke ni mängisch... Shit
I wett es chönnt nomau so si
Ä so wi denn woni no wild bi gsi
Ha gmacht was i wott u nüt dänkt derbi
S'dünkt mi s'sött wider mau so si

I hätt no viu blöder ta
Hätt nüt a mir verbi gah lah
Wenn i denn scho gwüsst hätt gha
Das i di Zyt nid für immer ha...

Mängisch da hani eifach gnue
Dänke blaset dir mir au i d'Schue
Jitz gahni wäg vo da
I mache mi doch hie nid kaputt
Choufe äs Ticket u flüge furt
Ä so wi nis denn gmacht ha
Ä so wi denn woni no wild bi gsi
Ha gmacht was i wott u nüt dänkt derbi
S'dünkt mi s'sött wider mau so si

I hätt no viu blöder ta
Hätt nüt a mir verbi gah lah
Weni denn scho gwüsst hätt gha
Das i di Zyt nid für immer ha...

Gölä

Erstellt am 24.01.2006 - 15:37

Verzell Du das em Fährima!

verzellt dir ix e Frind, e liebe,
e Gschichtli, und de merggsch derbyy,
dass äar di wott uff d Rolle schiebe
und dass sy Gschwätz
nit wohr kaa syy,
so luegsch en vo der Syten aa:
Verzell du das em Fährimaa!

Mi stupft s, dä Spruch e bitzli z drille.
Wie männgmool, gang i d Stadt duryy,
entdegg, i ganz fir mii im Stille
vyl Glunges zwische Door und Rhy.
Und wien i s bschau, doo kunnt s mi aa:
Verzell du das em Fährimaa!

I bi halt mit em Rhy verbunde,
dur ihn kunnt mer my Haimed nooch.
Zwoor männgs
isch in dr Stadt verschwunde,
vyl redt fir mii e fremdi Sprooch.
So Scheens het s ghaa,
wo nimme stoht ...
Verzell du das em Groosse Root!

S git ainewääg no gnueg hit z gniesse
grad z Basel
linggs und rächts vom Stroom,
und mächtig yberm wyte Fliesse
stoht also no unsrem alte Dom,
wär sait, er haig kai fraid doo draa?
Verzell du das em Fährimaa!

Quelle: Blasius, GS-Verlag 1998

Erstellt am 27.01.2006 - 17:31

Ein Nackter springt in Basel in ein Taxi. "Ins Casino !! Schnäll !! Dört isch hütt e Masggeball und i bi scho schpoot draa!"

"E Masggeball?", sagt der Taxilenker verwundert, "Si hänn jo gar kai Goschdym!"

"Seesch nid das Kirsi?", meint darauf der Nackte und deutet auf eine Kirsche zwischen seinen Zähnen, "Das isch mi Goschdym. I gang nämmlig als Mon Cheri! Und jetz faare Si ändlig!"

"Minetwäge" brummt der Taxifahrer und fährt los. Er braust durch die St.Alban-Vorstadt dahin, bis er plötzlich eine Notbremsung machen muss. Den Nackten hinten schmeisst es nach vorn, dann nach hinten, und -GLUPS- hat er die Kirsche verschluckt.

"Sinn Si waansinnig ?!" herrscht er den Fahrer an.
"Was faare Si zämme! I ha s Kirsi verschluggt. Jetz han i kai Goschdym me. Was mach i nur, was mach i nur? Ha ! Sie göön jetz sofort in das Geschäft dört äne und bsorge mir e neus Kirsi!"

Maulend steigt der Taxifahrer aus und verschwindet im Laden. Und kommt ewig nicht heraus.
Endlich kommt er zurück, wirft dem Nackten ein Konfitürenglas nach hinten und fährt weiter.

Der Nackte: "Was isch in däm Glas?"

Der Taxler: "Himbeerigonfi!"

"I bruuch aber e Kirsi!"

"Hänn sy kaini gha!"

"Und was söll i mit dr Himbeerigonfi?"

"Schmiir dir s in Arsch und gang als Berliner!"